CCOO Irakaskuntza

CCOO Irakaskuntza | 18 April 2024.

04-03-2024

Banner M8M 2024

Hasiera

Hezkuntza-orientatzaileak Euskadiko Lanbide Heziketako ikastetxe integratu guztietan

Euskadiko Psikopedagogia Elkarteak sinadurak biltzeko kanpaina bat hasi du, Euskadiko LHko ikastetxe integratu guztietan hezkuntza-orientatzaileak egon daitezen.

21/05/2020.

Fuente: Asociación de Psicopedagogía e Euskadi (ApsidE)

Euskadiko Lanbide Hezkiketako ikastetxe integratu publiko gehienetan ez dago hezkuntza-orientatzailerik. Zehazki, 31 zentroetatik 8tan bakarrik dago orientatzailea. Baita Eusko Jaurlaritza ere plazak kentzen ari da. Batxilergoa ematen duten ikastetxe guztiek, ordea, orientatzailea dute. Horrek argi eta garbi diskriminatzen ditu heziketa-zikloak egitea aukeratzen duten ikasleak.

EZ DAGO ESTATUKO ARAUDIRIK LANBIDE HEZIKETAKO IKASTETXE INTEGRATUETAN HEZKUNTZA-ORIENTATZAILEEN PLAZAK SORTZEA GALARAZTEN DUENIK; izan ere, autonomia-erkidego askotan daude orientatzaileak zentro horietan: Nafarroan, Balear Uharteetan, Gaztela-Leonen, Galizian …

Hezkuntza-orientatzaileak Psikologia/Pedagogian eta/edo Psikopedagogian adituak diren profesionalak dira, eta ikastetxeetan lan garrantzitsua egiten dute, irakasleei, ikasleei eta familiei aholkuak eta laguntza emanez. Bigarren Hezkuntzako institutu guztietan, baita Euskadiko Helduen Hezkuntzako ikastetxeetan ere, orientatzaileak daude… Lanbide Heziketako ikastetxe integratu gehienetan izan ezik. Ez al da Lanbide Heziketa duindu nahi? Jakina, Lanbide Heziketako ikasleak diskriminatzea eta hezkuntza-orientatzaile baten laguntza jasotzeko eskubidea ukatzea ez da modurik onena.

Hezkuntza-orientatzaileen gabezia horrek nola eragiten die ikasleei?

- Ikasleek ezin dute hezkuntza-orientatzaile baten aholkurik jaso beren errendimenduan eragina izan dezaketen ikaskuntza-zailtasun pertsonal, familiar edo bestelakoen aurrean. Zailtasun horiek oso ohikoak dira, zoritxarrez.

- Lanbide Heziketako ikasketak amaitzean, ikasleek ezin dute hezkuntza-orientatzaile baten laguntza pertsonalizaturik jaso etorkizuneko ikasketak edo prestakuntza-ibilbide profesionala aukeratzeko.

- Hezkuntza-orientatzaileak ikastetxeko ikasle guztiak artatzen ditu, eta, bereziki, hezkuntza-premia bereziak dituztenak, Lanbide Heziketako ikastetxeetan gero eta gehiago agertzen direnak eta hainbat patologia jasaten dituztenak (autismoaren nahasmenduak, dislexia, arreta-defizita edo hiperaktibitatearen ondoriozko nahasmendua, etab.). Ikasle horiek ez dute orientatzailearen laguntzarik, pertsona horiei eman beharreko laguntza koordinatu eta gainbegiratu dezan.

Zehazki, profesional horiek ikasle horien integrazio akademikoan laguntzen dute, eta zeregin hauek egiten dituzte:

- Ikasleen jarraipen pertsonalizatua.

- Gelako irakasleekin koordinatzea, ikasleak dituen beharrak baloratzeko eta, horrela, egokitzeko neurriak doitu edo adostu ahal izateko.

- Koordinazioa, halaber, talde horiekin lan egiten duten erakunde publiko eta pribatuetako kanpoko profesionalekin (psikologoak, psikiatrak, gizarte-hezitzaileak…).

Hezkuntza-orientatzaileen gabezia horrek nola eragiten die gainerako irakasleei, bereziki tutoreei?

- Orientatzailerik ez badago, irakasle tutoreek ez dute laguntzarik jasotzen Tutoretzako Ekintza Plana egiteko eta abian jartzeko.

- Tutoreak ezin du orientatzailearen laguntzarik izan ikasgelan gerta daitezkeen arazoei aurre egiteko: bizikidetza-arazoak, berdinen arteko tratu txarrak, absentismoa, uzteak, etab.

- Tutoreak ez du orientatzailearen laguntzarik, irakasle-taldearekin batera, ikasteko zailtasun-egoerak edo ikasleen egokitzapen akademikorik eza detektatu eta lantzeko.

- Irakasleek ez dute orientatzailearen laguntzarik zeharkako gaiei lotutako ikastetxe-proiektuak egiteko, hala nola: osasunerako hezkuntza, berdinen arteko bizikidetza eta tratu txarren prebentzioa, genero-berdintasuna eta beste batzuk.

- Nola eragiten die familiei ?

- Familiek ezin dute hezkuntza-orientatzaile baten aholkurik jaso seme-alaben hezkuntza- eta ikasketa-arloko egoerei edo arazoei aurre egiten laguntzeko. Batxilergoa ikasiko balute, bai, egin lezakete, ikastetxeek profesional hori dutelako.

- Orientatzaile bati ezin diote galdetu zer ibilbide akademiko diren egokienak beren seme-alaben interes eta gaitasunetarako, Lanbide Heziketa ikasten ari direnei edo Lanbide Heziketa ikasi nahi dutenei.

- Hezkuntza-premia bereziak dituzten seme-alabak dituzten familien kasuan, ez dute psikopedagogian aditua den hezkuntza-orientatzailerik, ikastetxean semearen edo alabaren laguntza eta arreta koordinatuko duenik, tutoreekin eta gainerako irakasleekin lankidetzan.

Orientatzaileek, aurrekoez gain, ikastetxearentzat garrantzitsuak diren beste eginkizun batzuk betetzen dituzte, hala nola:

- Erabiltzaileei lanbide-gaitasunak egiaztatzeko prozesuaren berri ematea.

- Lanbide Heziketa egitea interesa duen edonori, prestakuntza-aukerei eta laneratzea eta enplegagarritasuna hobetzea errazten duten ibilbideei buruz.

Aurreko guztiagatik, laguntza eskatzen dizugu:

Euskadiko Lanbide Heziketako ikastetxe integratu guztietan, Hezkuntza-Orientazioko plaza mantentzeko edo sortzeko.

Sinatu eskaera hemen: https://www.change.org/p/consejeria-de-educacion-del-gobierno-vasco-que-en-los-centros-integrados-de-fp-en-euskadi-haya-profesorado-de-orientaci%C3%B3n-educativa

Lotutako estekak

Euskadiko Psikopedagogia Elkartearen eskaera