CCOO Irakaskuntza | 4 March 2024.

M8

04-03-2024

Banner M8M 2024

Banner M8M 2024

Hezkuntza publikoaren defentsan behin behineko tasa jasanezinarekin bukatu, Enplegu publikoa sortu, kontsolidatu eta pribatizaziorik ez!

    ELA, LAB, CCOO, SATSE, Steilas eta Esk sindikatuok mobilizazio-dinamika bat antolatu dugu. Alde batetik zerbitzu publikoek pairatzen duten ezegonkortasun-tasa handia eta jantoki, eskola-garraioa eta garbiketa zerbitzuen pribatizazioa salatzeko; eta bestetik Eusko Jaurlaritzari eta hura osatzen duten alderdi politikoei egoera hori zuzendu eta zerbitzu publikoei dagokien garrantzia ematea eskatzeko.

    14/04/2021.
    Mobilizazioak apirilak 15

    Mobilizazioak apirilak 15

    Azken urtetan gobernu desberdinek harturiko erabakiek eta neurriek behin-behinekotasun tasa handitu besterik ez dute egin. Urteak daramatzagu Hezkuntza publikoaren sektore guztietako behin behinekotasun maila onartezina, %40tik gorakoa, salatzen.

    Haurreskola Partzuergoan hezitzaileen artean %40 ingurukoa eta kudeaketako langileena %100ekoa; irakasleen kasuan %40tik gorakoa, Heziketa bereziko hezitzaileen kasuan %66koa eta sukalde eta garbiketako langileen kasuan %66koa; EHUko irakasleena %38koa eta EHUko Administrazio eta zerbitzuetako langileena berriz %60koa.

    Horrekin batera, eskoletan milaka lanpostu daude Lanpostuen Zerrendan "existitzen" ez direnak. Urtero egiten diren esleipenetan, milaka langile Hezkuntza Sailak aitortzen ez dituen lanpostuetara bidaltzen dira; lan taldeak egonkortzea gero eta zailagoa da EAEko eskoletan.

    Horren guztiaren ondorio zuzena zerbitzu publikoak ahultzea da, isileko desmantelazio progresiboa bideratuz. Jakina da behin-behinekotasun tasa altuak zerbitzuen pribatizazio prozesuetarako abiapuntua izan ohi direla. Langileak eta lanpostuak egonkorrak ez badira hauek desagerraraztea eta azpikontraturiko zerbitzu merke eta prekarioengatik ordezkatzea errazagoa da. Horren adibidea: jantoki, garbiketa eta garraio zerbitzuen pribatizazioa dugu.

    Hori guztia dela eta Hezkuntza Sailari estrukturalak diren lanpostuak aitortzeko, estrukturalizatzeko, egonkortzeko eta behin behineko langileak kontsolidatzeko behar diren neurriak hartzea exijitzen dizkiogu.

    Salbuespenezko egoera da, eta horri aurre egiteko salbuespenezko neurri eta legezko mekanismoak behar ditugu. Ezinbestekoa da negoziazio kolektiboaren aktibazio erreala zein mobilizazio indartsua, honako hauek eskatzeko:

    • Orain mahai gainean dauden legegintza-proiektuen aldaketa, nahikoak ez baitira, enpleguaren finkapena bermatzen ez dutelako eta behin behineko kontratazioaren gehiegikeriarekin amaitzea ez dakartelako.
    • EAEko erakunde guztiei eta erakunde horietan ordezkaritza duten indar politikoei, aparteko kontsolidazio-prozesuak, bermatzaileak, negoziatuak eta nahitaez bete beharrekoak gaitzen dituzten arau-aldaketak bultza ditzaten.
    •  
    • Beharrezko mekanismoak artikulatzea:
    •                 Kontratazioan behin-behinekotasunaren abusua ezabatzera behartzen dutenak.
    •                 Egiturazko behar guztiak identifikatu eta azaleratzen dituztenak.
    •                 Plantillak areagotu behar dira, behar horien arabera, behin-behinekotasun handiko egungo agertokira itzultzea saihestuz.
    • Abian dauden LEPek kolektibo bakoitzaren beharren araberako aparteko neurriak barne hartzea, eta negoziazio kolektiboaren emaitza izatea.
    • Pribatizazioen eta kanporatzeen politikari amaiera ematea.
    • Plantillak gaztetzeko eta aurretiko erretiroak sustatzeko plan bat.

    Pandemia honetan zerbait argi geratu bada, zerbitzu publikoak eta, gure kasuan, hezkuntza publikoa indartzeko beharra izan da.

    ELA, LAB, CCOO, SATSE, STEILAS eta ESK sindikatuak grebara aterako gara apirilaren 22an EAEko sektore publiko osoan, enplegu publikoa sortzearen, aldi baterako enplegua finkatzearen eta hau pairatzen duten aldi baterako langileen kontsolidazioaren alde.

    Dinamika horren barruan, dei egiten dizuegu apirilak 22ko Greba eguneko mobilizazioetan parte hartzera. Baita aurretiaz zuen hezkuntza-zentroen atarian elkarretaratzeak egin ditzazuen apirilaren 15ean, pairatzen ari garen prekarietatea eta behin-behinekotasuna salatzeko eta gure agintari zein alderdi politikoei irtenbide egoki eta errealak mahai gainean jar ditzaten galdegiteko.