CCOO Irakaskuntza | 29 March 2024.

M8

04-03-2024

Banner M8M 2024

Banner M8M 2024

CCOO IRAKASKUNTZAK URRUTIKO HEZKUNTZAKO EUSKAL INSTITUTOA (UHEI) BERREGITURATZEKO EGUNGO PROPOSAMENAREKIN EZ DAGOELA BATERE ADOS ADIERAZI DU

    UHEI-IVED berregituratzeko proposamenak, beste behin ere, Eusko Jaurlaritzako Hezkuntza Sailak antolaketarako gaitasun handirik ez duela erakusten du. Urtebete baino ez da Sailak plaza berezien lekualdatze-lehiaketa deitu zuela UHEIn 30 plaza betetzeko, eta orain, hilabete batzuk geroago, uko egiten die lanposturako gaitasuna erakutsi duten irakasle horiei, UHEI urrutiko hezkuntzaren diseinu berria, erabat on-line, behar duela argudiatuz. Ez al dituzte bada irakasle horiek jada banakako tutoretzak on-line eskaintzen? eta ez dituzte bai modu erdipresentzialean, bai telematikoan, eskolak ematen? Benetan uste al du Sailak urrutiko irakaskuntza mota berria bultzatzeko lehen pausua irakasleak baztertzea dela?

    20/05/2021.
    IVED - profesorado desesperado

    IVED - profesorado desesperado

    Ulertezina egiten da edonorentzat ikastetxe batean proiektu berri bat bultzatzeko Sailaren lehenengo ideia bertako behinbetiko irakasleen plantilla baztertzea izatea. Behinbetiko irakasle-funtzionario horiek UHEIn lanpostua galtzea eta gaueko batxilergoa eskaintzen duten ikastetxeetan birkokatzea da Sailaren asmoa. Ezin dugu ahaztu pertsona guzti horiek bazutela aurretik bere plaza zentro batean, eta beren puntuak galdu egin zituztela duela urtebete plaza berezien lekualdatze-lehiaketan parte hartzean. Orain ikusi dugunez, inolako zentzurik gabe kudeatutako lehiaketa.

    Eta, zein da orain egiten zaien proposamena? Bada urtebete edo pare bat urte gaueko batxilergoan irakasten itxarotea… horren ondoren, eta erakutsitako gaitasunengatik, UHEIko plazara itzultzeko? Ez bada, eta aurreko guztia gutxi izango ez balitz, ez zaie ziurtatzen orain utzarazitako plaza berreskuratuko dutenik. Iaz plaza horietarako egokiak zirela argi utzi bazuten ere, Sailaren ustetan datorren urtean ez omen dira horretarako gai izango.

    Ikastetxeen Zuzendaritzak titulazio-datuak oso baxuak direla da UHEIn on-line irakaskuntza-eredu berri bat martxan jartzeko argudiatzen duen arrazoi bakarra. Eta bai, hala da neurri batean. Urrutiko batxilergoko matrikulazio-datuak ez dira inoiz aurrez aurreko matrikulazio-datuekin alderatzeko modukoak izango, baina ezin dugu ahaztu zerbitzu pribatuak inoiz bere gain hartuko ez duen ikasle-mota jakin batek hezkuntza publikoa jasotzeko duen eskubidea. Are gehiago, 2000. urteko irailaz geroztik urrutiko batxilergoko institutu bana izan dugu lurralde bakoitzean, eta titulazio-datuak mantendu egin dira 20 urte hauetan.

    Horregatik guztiagatik, CCOO Irakaskuntzak berriz ere eskatu dio Hezkuntza Sailari edozein aldaketa berritzaile egiteko irakasleak kontuan izateko, baita prestakuntza-etapa bakoitza zer ikasle motari zuzenduta dagoen kontuan hartzeko ere. Gauzak egiteko moduak daude, eta UKEIko behinbetiko irakasleak baztertuz ematen ari den kudeaketa okerra ez da aukerarik egokiena.

    CCOO Irakaskuntza hezkuntza sistemaren kalitatea hobetzeko aldaketen alde laguntza eskainiz izango da beti, baina ez irakasleentzako kalteen kontura. Proposatuta bezalako neurri traumatikoak hartu aurretik, elkarrizketa eta egin beharreko aldaketak elkarlanean eta ikastetxe-elkartearen barrutik abiatuz egingo direla espero dugu.

    Lotutako dokumentazioa
    Lotutako dokumentazioa